Mga Bali sa Daliri sa Kamay o Paa (Nabaling Daliri sa Kamay o Paa)

Kailan pupunta sa emergency room (ER)

Maaaring hindi mo malalaman palagi kung mayroon kang nabaling daliri sa paa o kamay. Maglagay kaagad ng yelo sa pinsala. Pagkatapos, kumuha ng medikal na pangangalaga kung:

• Namamaga o labis na sumasakit ang iyong daliri sa kamay o paa.

• Hindi mo maigalaw nang normal ang iyong daliri sa kamay o paa.

• Maputla o kulay asul ang iyong napinsalang daliri sa paa o kamay.

• Iba ang hugis ng iyong napinsalang daliri sa paa o kamay.

• Dumudugo ito.

• May butong nakalabas (nakausli) sa iyong balat.

Ano ang maaasahan sa ER

Isang provider ng pangangalagang pangkalusugan ang magtatanong tungkol sa pinsala mo at susuri sa iyong daliri sa paa o kamay. Maaaring sumailalim ka sa mga X-ray. Ang paggamot ay dedepende sa uri ng bali na mayroon ka.

Bali sa daliri sa paa

Maaaring ituwid ng iyong provider ng pangangalagang pangkalusugan ang nabaling daliri sa paa. Bibigyan ka ng local anesthesia para hindi ka makaramdam ng anumang pananakit habang isinasagawa ang operasyong ito. Pagkatapos ay maaaring ilagay sa splint ang napinsala mong daliri sa paa sa pamamagitan ng pag-tape nito sa isang katabing daliri, o paglalagay nito sa isang pad na naka-tape sa paa mo. Maaaring hilingin din sa iyo ng iyong provider ng pangangalagang pangkalusugan na maglagay ng yelo at panatilihing nakataas ang paa mo.

Bali sa daliri sa kamay

Maaaring ituwid ng iyong provider ng pangangalagang pangkalusugan ang nabaling daliri sa kamay. Malamang na ilalagay sa isang bakal na splint ang nabaling daliri sa kamay. Nakakatulong itong ituwid at protektahan ang daliri habang gumagaling ito. Maaaring bigyan ka ng iyong provider ng pangangalagang pangkalusugan ng mga ehersisyong gagawin habang gumagaling ang pinsala mo, para maiwasan ang paninigas ng iyong daliri.

Ang splint sa daliri ay naglilimita sa paggalaw at nagpapanatili ng lyong daliri sa pinakamainam na posisyon para sa paggaling.